Lokmanthan News

Latest Post


अहमदनगर/प्रतिनिधी : येथील भिंगार राष्ट्रवादी काँग्रेसच्या वतीने शिवाजी महाराज यांच्या जयंतीनिमित्त त्यांच्या प्रतिमेस पुष्पहार अर्पण करुन अभिवादन करण्यात आले. तसेच काश्मीरच्या पुलवामा जिल्ह्यात झालेल्या आत्मघातकी हल्ल्यातील हुतात्मा जवानांना श्रध्दांजली वाहण्यात आली.

यावेळी भिंगार राष्ट्रवादीचे शहराध्यक्ष संजय सपकाळ, अभिजित सपकाळ, सुभाष पाटील, विशाल बेलपवार, राधेलाल नकवाल, होडगे सर, संभाजी भिंगारदिवे, विलास निरवणे, हंगारके सर, अरुण चव्हाण, भारत पवार, संजय खताडे, रवींद्र घडसिंग, जावेद शेख, अस्लम शेख, बाबासाहेब चव्हाण, फैयाज शेख, करण गाडेकर, पन्नालाल नायर, सागर कांबळे आदी उपस्थित होते.


अहमदनगर/प्रतिनिधी : “विना अनुदानित उच्च माध्यमिक शाळा कृती समितीच्या विविध मागण्यांच्या पूर्ततेसंदर्भात सरकारने दिलेली आश्‍वासने पाळली नाहीत, त्यामुळे संतप्त झालेल्या शिक्षकांनी पुन्हा आंदोलनाचे हत्यार उपसले आहे. बोर्डाच्या बारावीच्या सुपरव्हिजन, पेपर तपासणी तसेच सर्व कामकाजावर बहिष्कार टाकण्याचा निर्णय घेतला आहे. बोर्डाच्या परीक्षेचे कोणतेही कामकाज प्राध्यापकांना देवू नये’’, अशा मागणीचे निवेदन माध्यमिक विभागाच्या शिक्षणाधिकार्‍यांना बुधवारी (दि.20) देण्यात आलेे.

विना अनुदानित उच्च माध्यमिक शाळा कृती समितीच्या विविध मागण्यांसाठी मुंबई, पुणे, नागपूरसह राज्यभरात आंदोलन केले. या आंदोलनाची सरकार, तसेच शिक्षणमंत्री विनोद तावडे यांनी काहीही दखल घेतली नाही. विना अनुदानित कनिष्ठ महाविद्यालयात गेल्या अनेक वर्षांपासून शिक्षक कमी पगारात अध्यापनाचे काम करत आहेत. कमी पगारामुळे कौटुंबिक खर्चाचा ताळमेळ न बसल्यामुळे प्राध्यापकांवर आत्महत्यांची वेळ येऊन ठेपली आहे. सरकार आणि शिक्षणमंत्री तावडे यांनी नेहमीच शिक्षकांच्या प्रश्‍नांकडे दुर्लक्ष केले आहे. त्यामुळे जोपर्यंत पगार सुरू नाही तसेच अनुदान दिले जात नाही तोपर्यंत 12 वी बोर्डच्या परीक्षेचे सुपरव्हिजन करणार नाही, तसेच बोर्डाच्या उत्तरपत्रिका तपासणीही नाही असा इशारा विना अनुदानित उच्च माध्यमिक शाळा कृती समितीने दिला आहे. विद्यार्थ्यांच्या हितासाठी प्राध्यापकांनी प्रात्यक्षिक तसेच तोंडी परीक्षाही सुरळीतपणे पार पाडल्या. मात्र, सरकारने मागण्या मान्य न केल्याने 12 बोर्ड परीक्षेच्या सर्व कामकाजावर बहिष्कार टाकला आहे. यावेळी कृती समितीचे जिल्हाध्यक्ष प्रा. सचिन पालवे, प्रा. सुभाष चिंधे, प्रा. संजय शेवाळे, प्रा.लक्ष्मण बेळगे, प्रा. देवीदास हरवणे, प्रा. दीपक बोरुडे, प्रा. श्रीरंग धामणे, प्रा.रवींद्र घायतडक, प्रा. अभिमन्यू गायकवाड, प्रा. ज्ञानेश्‍वर बर्डे, प्रा. उमादेवी शेळके, प्रा. कल्पना तुपे, प्रा. विद्या कदम, प्रा. सुवर्णा राहिंज, प्रा. प्रवीण पाटील, प्रा. किशोर सप्रे, आदी उपस्थित होते.


अहमदनगर/प्रतिनिधी : “मनपा अधिकारी व कर्मचार्‍यांनी आमच्या आंदोलनास प्रतिसाद देत तातडीने हालचाली सुरू करून दलितवस्ती सुधार योजनेंतर्गत रस्त्याचे काम सुरू करण्यात आले असून, त्याबरोबरच प्रभाग 7 मधील 10 ठिकाणी रस्त्यांचे डांबरीकरण व काँक्रिटीकरणाचे काम हाती घेण्यात येणार आहे’’, असे प्रतिपादन अशोक बडे यांनी केले.

बोल्हेगाव रस्ताप्रश्‍नी स्थानिक नगरसेवक अशोक बडे व दत्ता सप्रे यांनी शिवसेना उपनेते अनिल राठोड यांच्या समवेत उपायुक्त पठारे यांची भेट घेऊन तातडीने काम सुरू करण्याची मागणी करीत मनपाला टाळे ठोकण्याचा इशारा दिला होता. अखेर मनपा अधिकारी व कर्मचार्‍यांनी तातडीने हालचाल करून या आंदोलनास प्रतिसाद देत हे काम सुरू केले. यावेळी नीलेश भाकरे, लोभा कातोरे, अक्षय कातोरे, नामदेव पालवे, दीपक काळे, प्रकाश सोनवणे, यशवंत जगताप, द्वारकानाथ व्यवहारे, इस्माईल शेख, बाजीराव नेहूल, हनुमंत शहाणे, महेंद्र पाटेकर, आढाव पाटील, संजय काकडे, संदीप सुरासे, अनिकेत सातकर आदी उपस्थित होते.


अहमदनगर/प्रतिनिधी : “जय भवानी... जय शिवाजी... च्या घोषणा देऊन छातीवर महाराजांचा फोटो, मनगटावर महाराजांचा फोटो, ब्रेसलेटवर लावून, गळ्यात महाराजांसारखी माळ घालून मिरविणे म्हणजे शिवाजी राजे होणार नाहीत तर आजच्या युवकांनी शिवाजी महाराजांचे चरित्र अभ्यासण्याची खरी गरज आहे’’, असे विचार तोफखाना पोलीस स्टेशनचे पोलीस निरीक्षक संपत शिंदे यांनी व्यक्त केले.

सावेडी येथील शिवरत्न जिवबा महाले चौकात आज (दि.19) सकाळी छत्रपती शिवाजी राजेंच्या प्रतिमेस पुष्पहार अर्पण करुन जीवा सेना संघटनेच्या वतीने जयंती साजरी करण्यात आली. यावेळी तरुणांना मार्गदर्शन करताना पो.नि.शिंदे बोलत होते.

ते पुढे म्हणाले, “शिवाजी महाराजांचे आयुष्य समजून घ्यावयाचे असेल तर त्यांच्या चरित्रामधून आजच्या युवा पिढीला खूप काही शिकण्यासारखे आहे. पण युवक फक्त शिवाजी महाराजांना डोक्यावर घेत आहेत खर्‍या अर्थाने त्यांना डोक्यात घेण्याची गरज आहे. युवकांनी महाराजांना जाती-पातीच्या चौकटीत बंद न करता त्यांचे विचार प्रत्यक्ष आचरणात आणावे, अशा या राजाला आपण अभिवादन करत आहोत.’’

यावेळी जिवा सेनेचे महाराष्ट्र प्रदेश सरचिटणीस अशोक औटी, सुनील त्र्यंबके, बहिरनाथ वाकळे, यादव आव्हाड, संजय वाघ, राजू शेख, सुभाष लांडे, संध्या मेढे, नंदू खाकाळ, आबाजी सैंदाणे, राजाभाऊ पालवे, डॉ.अशोक गायकवाड, नंदू वाघमारे, अमोल चेमटे, दत्ता वडवणीकर, रघुनाथ औटी, संतोष यादव, आशीष सावंत आदी उपस्थित होते. यावेळी पुलवामा येथील हुतात्मा जवानांना श्रद्धांजली अर्पण करण्यात आली.


अहमदनगर/प्रतिनिधी : “खेळाने सांघिक भावना व खिलाडूवृत्ती वाढीस लागते, मैदानावर येणारा प्रत्येकजण हा खेळाडूच असतो. जीवनात नागरिक मैदानापासून दुरावत चालला असून, निरोगी आरोग्यासाठी खेळ महत्त्वाचा आहे’’, असे प्रतिपादन पोलीस उपअधीक्षक संदीप मिटके यांनी केले.

शीख, पंजाबी समाजाच्या वतीने नगर क्लबच्या मैदानावर आयोजित करण्यात आलेल्या पंजाबी क्रेझी क्रिकेट स्पर्धेचे शुभारंभ पोलीस उपअधीक्षक संदीप मिटके यांच्या हस्ते झाले. यावेळी ते बोलत होते. प्रमुख पाहुणे म्हणून नरेंद्र फिरोदिया, गुरुदयालसिंग वाही, जनक आहुजा, अजय पंजाबी, राजाभाऊ अमरापूरकर, आगेश धुप्पर, कोतवालीचे पो.नि. नितीन गोकावे आदी उपस्थित होते. प्रास्ताविक हरजितसिंह वधवा यांनी केले. पाहुण्यांचे स्वागत गौरव नय्यर, सावन आहुजा, हर्ष बत्रा, मोहित पंजाबी, बलजीत बीलरा, अनीश आहुजा, सागर बक्षी, चेतन आहुजा, गौतम थापर यांनी केले. स्पर्धा यशस्वी करण्यासाठी अभिमन्यू नय्यर, मनयोग माखिजा, हितेश ओबेरॉय, सागर बक्षी, सरबजितसिंग अरोरा, विशाल बक्षी, नकुल जग्गी, जतीन आहुजा, अमान वाही, सागर पंजाबी, शीतल फौंद्री, दिनेश बत्रा आदी परिश्रम घेत आहे.


नवीदिल्लीः भारत दौर्‍यावर आलेले सौदी अरेबियाचे राजपुत्र महंमद बिन सलमान यांनी बुधवारी सकाळी राष्ट्रपती रामनाथ कोविंद यांची भेट घेतली. राष्ट्रपती भवनात बोलताना त्यांनी पंतप्रधान नरेंद्र मोदी यांचे विशेष कौतुक केले. मोदी माझे मोठे बंधू आहेत, असे सलमान यांनी सांगितले. दोन्ही देशांचे हित लक्षात घेता भारत-सौदी अरेबिया संबंधात आणखी सुधारणा झाली पाहिजे. राष्ट्रपती आणि पंतप्रधानांच्या नेतृत्वाखाली भारत आणि सौदी अरेबियासाठी आपण खूप चांगल्या गोष्टी करू शकता,े हा मला विश्‍वास वाटतो, असे ते म्हणाले. दरम्यान, पाकिस्तानला वीस अब्ज डॉलरची मदत करून दहशतवादी राष्ट्राला मदत करणार्‍यांची मोदी यांनी गळाभेट घेतल्याबद्दल काँग्रेसने मोदी यांच्यावर टीकेची झोड उठविली आहे.

महंमद बिन सलमान मंगळवारी रात्री उशिरा भारतात दाखल झाले. या वेळी मोदी यांनी शिष्टाचार बाजूला ठेवून स्वत: विमानतळावर जाऊन त्यांचे स्वागत केले. सलमान अरब जगतातील प्रभावशाली नेते म्हणून ओळखले जातात. संरक्षण, सहकार्य आणि नौदलाचा एकत्रित युद्ध सराव यासंबंधी दोन्ही देशांमध्ये काही करार होऊ शकतात. ते दोन दिवसांपूर्वी पाकिस्तान दौर्‍यावर होते. पुलवामा दहशतवादी हल्ल्याच्या पार्श्‍वभूमीवर त्यांचा भारत-पाकिस्तान दौरा खूप महत्वाचा आहे. भारताच्या आक्रमक पवित्र्यानंतर नरमलेल्या पाकिस्तानला आता सौदी अरेबियाने मध्यस्थी करावी, असे वाटते.


पाकिस्तानला 20 अब्ज डॉलरची मदत करणार्‍या सौदी अरेबियाच्या राजपुत्राचे पंतप्रधानांनी विमानतळावर जाऊन केलेले स्वागत काँग्रेसला रूचलेले नाही.

पुलवामा हल्ल्यानंतर भारत आणि पाकिस्तान यांच्यातील संबंध कमालीचे ताणले गेले आहेत. त्यामुळे सौदी अरेबियाच्या राजपुत्रांचा दौरा कुटनीतीच्या दृष्टीने अत्यंत महत्वपूर्ण आहे; मात्र ज्या उत्साहाने मोदी यांनी मंगळवारी दिल्ली विमानतळावर जात त्यांची गळाभेट करत स्वागत केले, त्यावर काँग्रेसने प्रश्‍न उपस्थित केले आहेत.

पाकिस्तानला वीस अब्ज डॉलरच्या मदतीच्या पार्श्‍वभूमीवर त्यांच्या भारत दौर्‍यादरम्यानही मोठ्या गुंतवणुकीची आणि करारांची अपेक्षा केली जात आहे. भारत याप्रसंगाचा वापर पाकिस्तानला दहशतवादप्रकरणी कठोर संदेश देण्यासाठी करू शकतो; परंतु मोदी यांनी आपल्या वर्तणुकीने हुतात्मा आणि प्रत्येक सैनिकांप्रती त्यांचा असलेला विचार दाखवून दिला असल्याची टीका काँग्रेसने केली आहे.
पक्षाचे प्रवक्ते रणदीप सुरजेवाला यांनी राष्ट्रीय हिताच्यावर असलेली ‘मोदीजींची हग डिप्लोम्सी’ असल्याचा टोला लगावला आहे. पंतप्रधानांनी अशा लोकांचे प्रोटोकॉल तोडून जोरदार स्वागत केले आहे, ज्यांनी दहशतवादविरोधात पाकिस्तानच्या तथाकथित प्रयत्नांचे कौतुक करत 20 अब्ज डॉलर देण्याचे जाहीर केले आहे, अशी टीका सुरजेवाला यांनी केली आहे.

ट्रंडोसारखे दुर्लक्षित का केले नाही?

काँग्रेसच्या नेत्या प्रियंका चतुर्वेदी यांनीही याप्रश्‍नी सवाल उपस्थित केला आहे. मागच्या वर्षी भारत दौर्‍यावर आलेले कॅनडाचे पंतप्रधान जस्टिन ट्रडोंचा उल्लेख केला असून खलिस्तानच्या मुद्यावर ट्रुडोंचे समर्थन असल्याचे कारण सांगत मोदी यांनी त्यांना महत्व दिले नव्हते, त्या वेळी सर्वांनी त्यांना साथ दिली होती, असे निदर्शनास आणून या पार्श्‍वभूमीवर राजशिष्टाचार बाजूला ठेवून सलमान यांचे केलेले स्वागत योग्य आहे का, असा सवाल त्यांनी केला.


मुंबई / प्रतिनिधीः
शिवसेना-भाजपच्या युतीची घोषणा होऊन केवळ दोन दिवस उलटले असताना युतीमधील संघर्ष पुन्हा एकदा समोर आला आहे. मुख्यमंत्रिपदावरून युतीमध्ये ठिणगी पडली आहे. मुख्यमंत्रिपदावरून दोन्ही पक्षाचे नेते वेगवेगळे दावे करत आहेत. त्यामुळे युती होऊनही शिवसेना-भाजपमधील मतभेद आणि संघर्ष सुरूच आहे. जास्त जागा त्याचा मुख्यमंत्री हा महसूलमंत्री चंद्रकांतदादा पाटील यांचा दावा शिवसेनेचे पक्षप्रमुख उद्धव ठाकरे यांनी फेटाळला आहे, तर भाजपचे नेते असे वागत असतील, तर युती तोडूनच टाका, अशा संतप्त शब्दांत पर्यावरणमंत्री रामदास कदम यांनी आपल्या भावना व्यक्त केल्या.

भाजपबरोबर युती झाल्याने नाराज झालेले अनेक शिवसैनिक मातोश्रीवर धडकले. ठाकरे या शिवसैनिकांची समजूत काढत होते. शिवसैनिकांशी मातोश्रीच्या दारात उभे राहून संवाद साधताना युतीच्या चर्चेचा काही तपशील त्यांनी सांगितले. गेली 25 वर्षे ज्याच्या जागा जास्त निवडून येतील, त्याचा मुख्यमंत्री हे सूत्र मी मान्य होते; मात्र आता झालेल्या तडजोडीनुसार मुख्यमंत्रिपदाचे आपले स्वप्न पूर्ण होईल, असे ठाकरे यांनी जाहीर केले. जबाबदारीचे समसमान वाटप ठरल्याचे त्यांनी नाराज असलेल्या शिवसैनिकांची समजूत काढताना सांगितले. उद्धव यांचा हा दावा खरा मानला, तर 2019 च्या विधानसभा निवडणुकीत सत्ता आली तर अडीच-अडीच वर्षे मुख्यमिंत्रपद वाटून घ्यायचे, असे युतीच्या चर्चेत ठरल्याचे त्यांनी स्पष्ट केले.

ठाकरे एकीकडे हे सांगत असताना भाजपचे ज्येष्ठ नेते आणि महसूलमंत्री चंद्रकांत पाटील यांनी मात्र उद्धव यांनी केलेल्या दाव्याच्या विरोधी दावा केला आहे. विधानसभा निवडणुकीत ज्याच्या जास्त जागा निवडून येतील, त्याचा मुख्यमंत्री असेल. इतर जबाबदारी आणि पदांचे निवडून आलेल्या जागांच्या तुलनेत वाटप केले जाईल, असा दावा पाटील यांनी केला आहे. युती जाहीर करताना अन्य तपशील देताना भाजपचे राष्ट्रीय अध्यक्ष अमित शाह, मुख्यमंत्री देवेंद्र फडणवीस आणि ठाकरे यांनी मुख्यमंत्रिपदाबाबत युतीत काय चर्चा झाली, मुख्यमंत्रीपदाचे सूत्र काय असेल याचा काहीही उल्लेख केला नव्हता. आता दोन्ही पक्षाच्या नेत्यांनी मुख्यमिंंत्रपदाबाबत परस्परविरोधी केलेल्या वक्तव्यांमुळे युतीतील गोंधळ आणि मतभेद समोर आले आहेत.
राज्यात अडीच-अडीच वर्ष मुख्यमंत्रिपद वाटून घेण्याच्या अटीवरच युती झाली असून भाजपाने तसे न केल्यास शिवसेना युती तोडेल, असा दावा शिवसेना नेते आणि पर्यावरणमंत्री रामदास कदम यांनी केला आहे.


...तर पाडापाडीचे राजकारण


युतीमध्ये नैतिकता असावी. नैतिकता नसेल तर युती तोडा, असे सांगून कदम म्हणाले, की चंद्रकांतदादांनी त्यांच्या नेत्यांशी चर्चा करून बोलावे. नाहीतर झालेली युती उलटसुलट बोलण्यामुळे पुन्हा तुटायची. चाव्या चोरांच्या हाती जाऊ नये म्हणून आम्ही युती केली आहे. मुख्यमंत्रिपद दोघांकडेही राहणार आहे. समान सत्तेचे राजकारण झाले नाही, तर पाडापाडीचे राजकारण होते, असा इशारा त्यांनी दिला

statcounter

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget