वंचितांच्या सेवेतच जीवनाचे सार्थक व समाधान -अभिषेक कळमकर


अहमदनगर (प्रतिनिधी)- विजया दशमी निमित्त कुष्ठधाम मधील ज्येष्ठ नागरिकांना चादर व ब्लॅकेटचे वाटप करुन राष्ट्रवादीच्या युवकांनी सिमोल्लंघन केले. राष्ट्रवादी विद्यार्थी काँग्रेसचे शहर जिल्हा सरचिटणीस लंकेश चितळकर यांच्या पुढाकाराने हा आगळा-वेगळा उपक्रम राबविण्यात आला. यावेळी माजी महापौर अभिषेक कळमकर, रा.स.प. जिल्हाध्यक्ष बबनतात्या पडोळकर, नगर तालुकाध्यक्ष दादा दरेकर, साकतचे सरपंच पाराजी चितळकर, राष्ट्रवादी विद्यार्थी काँग्रेसचे जिल्हाध्यक्ष गजानन भांडवलकर, शहर जिल्हाध्यक्ष वैभव ढाकणे, शिवाभाऊ चव्हाण, महेश ससे, शहर उपाध्यक्ष शेहेजाद खान, सय्यद अन्सार, शहर सरचिटणिस सतीष ढवण, साधनाताई बोरुडे, विशाल लबडे, चंद्रकांत जठार, तात्यासाहेब वाघमोडे आदींसह युवा कार्यकर्ते मोठ्या संख्येने उपस्थित होते.

लंकेश चितळकर म्हणाले की, वंचितांच्या चेहर्‍यावर फुलवलेल्या हसूचे समाधान मोठे आहे. सण-उत्सवाचा आनंद वंचितांसमवेत द्विगुणीत करण्यातच खरा समाधान आहे. आ.संग्राम जगताप यांच्या मार्गदर्शनाखाली राजकारणापेक्षा समाजकारणाला महत्त्व देत कार्य चालू आहे. त्यांच्या प्रेरणेने वंचित घटकांना मदत करण्याचे विविध उपक्रम राबविण्यात येत असल्याचे त्यांनी स्पष्ट केले. 

अभिषेक कळमकर म्हणाले की, वंचितांच्या सेवेतच जीवनाचे सार्थक व समाधान आहे. खर्‍या गरजवंतांना केलेली मदत सत्कर्मी लागते. विकासात्मक राजकारणाबरोबर राष्ट्रवादीचे पदाधिकारी व कार्येकर्ते समाजकारणाला महत्त्व देऊन कार्य करीत आहे. कुष्ठधाम मधील ज्येष्ठ नागरिक हे समाजातील एक घटक असून, युवकांनी विजया दशमीचे औचित्य साधून त्यांच्यासाठी घेतलेला उपक्रम कौतुकास्पद असल्याची भावना त्यांनी व्यक्त केली.

Post a Comment

[blogger]

statcounter

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget