Breaking News

शिवशाहीच्या मद्यधुंद चालकावर गुन्हा

सातारा (प्रतिनिधी) : मद्य प्राशन करुन शिवशाही बस चालवणार्‍या चालकाविरोधात गुन्हा दाखल झाला आहे. दत्तात्रत बाळकृष्ण कदम (रा. सायगाव, ता. सातारा) असे गुन्हा दाखल झालेल्या चालकाचे नाव आहे. याप्रकरणी बसस्थानक प्रमुख राहुल शिंगाडे यांनी सातारा शहर पोलीस ठाण्यात तक्रार दिली आहे.
राहुल शिंगाडे हे सातारा बसस्थानकात बस तपासणीचे काम करत होते. त्यावेळी शिवशाही बस (एमएच 14 बीजी 1664 ) तपासत होते. त्यावेळी या बसचालकाने मद्यप्राशन केले असल्याचे त्यांच्या लक्षात आले. त्यांनी अधिक चौकशी केली असता, चालकाने आपण दारू पिल्याचे कबूल केले. याप्रकरणी चालकाविरोधात मोटार वाहन कायद्यानुसार सातारा शहर पोलीस ठाण्यात गुन्हा नोंद झाला आहे. अधिक तपास हवालदार शिंदे करत आहेत.