एसटी-कार अपघातात सातार्‍यातील युवक ठार


कराड (प्रतिनिधी) : कराड-विटा रस्त्यावर कराड तालुक्यातील हजारमाची गावच्या हद्दीत एसटी व कार यांच्यात जोरदार धडक झाली. या अपघातात कारमधील गौरव सुभाष गाडेकर (वय 22, रा. यादोगोपाळ पेठ, सातारा) हा युवक जागीच ठार झाला असून एक जण गंभीर जखमी आहे. गुरुवार रात्री आठ वाजण्याच्या सुमारास हा अपघात झाला आहे. या अपघाताची माहिती मिळताच पोलिसांनी घटनास्थळी धाव घेतली.
कराड-विटा मार्गावर विट्याकडून कराडकडे येणारी एसटी व कराडहून विट्याकडे निघालेल्या कारची हजारमाची गावच्या हद्दीत समोरासमोर धडक होवून अपघात झाला. या अपघातात गौरव गाडेकर हा युवक जागीच ठार झाला. तर अक्षय राजाराम साळगावकर (वय 27, रा. सैदापूर, कराड) हा गंभीर जखमी झाला. जखमीला उपचारासाठी कृष्णा रुग्णालयात दाखल केले आहे. दरम्यान या अपघाताची माहिती मिळताच पोलीस निरीक्षक सर्जेराव गायकवाड यांच्यासह अपघात विभागाचे खलील इनामदार, प्रशांत जाधव यांनी घटनास्थळी भेट देऊन अपघाताचा पंचनामा केला. 

या दरम्यान, एसटी व कारमध्ये झालेल्या या अपघाताची कायदेशीर प्रक्रिया पूर्ण करत असतानाच पुणे-बंगळूर राष्ट्रीय महामार्गावर रात्री दीड वाजण्याच्या सुमारास एसटी व एस. आर. एस. ट्रॅव्हल्स यांच्यामध्ये दुसरा अपघात झाला. पोलिसांनी त्वरित अपघातस्थळी धाव घेतली. परंतु महामार्गावर झालेल्या अपघातात सुदैवाने कोणीही जखमी झाले नव्हते. पोलिसांनी अपघाताचा पंचनामा करून ट्रॅव्हल्स पोलीस ठाण्यात आणली आहे.

Post a Comment

[blogger]

statcounter

Contact Form

Name

Email *

Message *

Powered by Blogger.
Javascript DisablePlease Enable Javascript To See All Widget