Breaking News

मोदी माझं ऐकत नाहीत, चीनला निघून जाईन : खा. स्वामींचा इशारा

नवीदिल्ली
केंद्रातील नरेंद्र मोदी सरकारवर भाजपचे नेते, खासदार सुब्रमण्यम स्वामी प्रचंड नाराज आहेत. ‘नरेंद्र मोदी यांना माझं ऐकायचंच नसेल तर मी चीनला जाईन’, असं म्हणत स्वामी यांनी मोदींना अप्रत्यक्ष इशारा दिला आहे.
भाजपच्या दुसर्‍या कार्यकाळातही फारशी संधी मिळत नसल्याने खा. स्वामी नाराज आहेत. 29 जून रोजी ट्विट करून त्यांनी आपल्या नाराजीला वाट मोकळी करून दिली आहे. ‘चीनच्या प्रसिद्ध सिंघुआ विद्यापीठात सप्टेंबरमध्ये स्कॉलर्सचे संमेलन होणार आहे. त्यात ‘गेल्या सात वर्षांतील चीनच्या आर्थिक विकासाची समीक्षा’ या विषयवार विचार मांडण्यासाठी मला पाचारण करण्यात आले आहे. ‘नमों’ना माझे विचार जाणूनच घ्यायचे नसतील, तर मी चीनला व्याख्यानासाठी जाऊ शकतो,’ असे ट्विट स्वामी यांनी केले आहे.
स्वामी यांच्या ट्विटवर एका यूजर्सने तुम्ही राम मंदिर आणि हिंदुत्वाच्या मुद्द्यावर बोलणे सोडा, ‘नमो’ खूश होतील, अशी कमेंट केली आहे. त्यावर राम मंदिराच्या मुद्द्यावर बोलणे थांबवणार नाही, असे त्यांनी स्पष्ट केले आहे. मोदी सरकारच्या पहिल्या टर्ममध्ये अरुण जेटली हे केंद्रीय अर्थमंत्री होते. त्या वेळी स्वामी यांनी देशाच्या अर्थव्यवस्थेवर टीका केली होती.