Breaking News

बच्चू कडू यांनी दिव्यांगांसह घेतला महाराष्ट्र सदनाचा ताबा

नवी दिल्ली
सरकारी योजनांचा लाभ आणि मासिक भत्त्यात वाढ यांसह विविध मागण्यांसाठी आज शेकडो दिव्यांगांनी आमदार बच्चू कडू यांच्या नेतृत्वाखाली दिल्लीत आंदोलन केलं. आंदोलक आणि बच्चू कडू यांनी थेट महाराष्ट्र सदनाचा ताबा घेतला. यावेळी पोलिसांनी आंदोलकांवर लाठीमार करून आमदार कडू यांना ताब्यात घेतल्याचं सांगण्यात येत आहे.
मोदी सरकारने दिव्यांगांसाठी हजारो कोटी रुपयांच्या पॅकेजची घोषणा केली होती. या योजनांच्या प्रचारासाठी जाहिरातींवर सरकारने कोट्यवधी रुपये खर्च केले. मात्र, दिव्यांगांसाठी जाहीर केलेल्या सरकारी योजनांचा सर्वांनाच लाभ मिळत नाही. तसंच मासिक मानधनही खूप कमी दिलं जातं. सरकारच्या उदासीन धोरणाविरोधात आमदार बच्चू कडू यांच्या नेतृत्वाखाली शेकडो दिव्यांगांनी आज, दिल्लीत धडक दिली. तेथे आंदोलन सुरू केले. तेथे थेट महाराष्ट्र सदनाचा ताबा घेतला. मंत्री येत नाहीत, तोपर्यंत महाराष्ट्र सदन सोडणार नाही, असा निर्धार कडू यांनी व्यक्त केला. महाराष्ट्र सदन ताब्यात घेणार्‍या आंदोलकांवर दिल्ली पोलिसांनी लाठीमार केल्याचं समजतं. दरम्यान, केंद्रीय राज्यमंत्री कृष्णपाल गुर्जर यांनी आंदोलकांची भेट घेऊन चर्चा केली.