Breaking News

पंतप्रधानांचे मुख्य सचिव नृपेंद्र मिश्रा यांची सेवानिवृत्तीची इच्छा

नवी दिल्ली
पंतप्रधान नरेंद्र मोदी यांचे मुख्य सचिव नृपेंद्र मिश्रा यांनी निवृत्तीची इच्छा व्यक्त केली असून त्यांच्या या इच्छेचा स्विकार करत त्यांना पुढील दोन आठवड्यांसाठी पदभार सांभाळण्याची विनंती करण्यात आली आहे. तर पंतप्रधानांनी सेवानिवृत्त आयएएस अधिकारी पी. के. सिन्हा याची पंतप्रधान कार्यालयात (पीएमओ) कार्यालयात विशेष अधिकारी म्हणून नियुक्ती केली आहे. मिश्रा यांनी म्हटले की, पंतप्रधान मोदींच्या नेतृत्वाखाली देशाची सेवा करायला मिळणे हे माझे भाग्य होते. या संधीसाठी मी त्यांचे आभार मानतो. आता मला पुढे जाण्याची वेळ आली आहे. दरम्यान, पंतप्रधान नरेंद्र मोदी यांनी मिश्रा यांना पुढील वाटचालीसाठी शुभेच्छा देताना पाच ट्विट केले आहेत.
पंतप्रधान मोदींनी मिश्रा यांना पुढील दोन आठवड्यांसाठी पदावर कायम राहण्यास सांगितले असल्याचे सरकारचे मुख्य प्रवक्ते सीतांशू कार यांनी सांगितले. माजी कॅबिनेट सचिव पी. के. सिन्हा यांना पंतप्रधानांनी विशेष अधिकारी म्हणून नियुक्त केले आहे. नृपेंद्र मिश्रा यांनी यापूर्वी मुलायमसिंह यादव आणि कल्याणसिंह यांच्या सरकारमध्ये मुख्य सचिव म्हणून काम पाहिले होते. युपी केडरचे आयएएस अधिकारी असलेले त्यांची एक तडफदार आणि प्रामाणिक अधिकारी म्हणून ओळखले आहे. त्यांच्या याच गुणांमुळे त्यांना केंद्रात काम करण्याची संधी मिळाली. यावूर्पी दूरसंचार विभागत सचिवपदी, खते विभागात सचिवपदी काम केलेले नृपेंद्र मिश्रा यांना 2014 मध्ये पतंप्रधान नरेंद्र मोदी यांच्या मुख्य सचिवपदी नियुक्ती देण्यात आली होती. त्यांनी यापूर्वी . प्रशासकीय सेवेतून निवृत्त झाल्यानंतर त्यांनी मनमोहन सिंग सरकारमध्ये 2006 ते 2009 या काळात टेलिकॉम रेग्युलेटरी अथॉरिटी ऑफ इंडियाच्या (ट्राय) चेअरमनपदाची धुरा सांभाळली होती.