Breaking News

बीडचा अविनाश साबळे चमकला, स्टीपलचेस शर्यतीत मिळवलं ऑलिम्पिक तिकीट

बीड /प्रतिनिधी
मुळचा बीडचा आणि सध्या भारतीय लष्करात हवालदार पदावर काम करणार्‍या, अविनाश साबळेने दोहा येथे सुरु असलेल्या जागतिक अ‍ॅथलेटिक्स अजिंक्यपद स्पर्धेत 3000 मी. स्टीपलचेस शर्यतीत सर्वोत्तम वेळ  नोंदवत टोकियो ऑलिम्पिकचं तिकीट मिळवलं आहे. अविनाशने आपला राष्ट्रीय विक्रम मोडत 8:21:37 अशी वेळ नोंदवली. 3000 मी. शर्यतीत नवीन विक्रम प्रस्थापित करण्याची अविनाशची गेल्या वर्षभरातली ही  चौथी वेळ ठरली आहे.
अंतिम फेरीत अविनाश तेराव्या स्थानावर राहिला. 2018 साली जून महिन्यात गुवाहटी येथे झालेल्या आंतरराज्य अजिंक्यपद स्पर्धेत अविनाशने 8:49:25 अशी सर्वोत्तम वेळ नोंदवली होती. यानंतर फेडरेशन कप  आणि जागतिक अजिंक्यपद स्पर्धेत आपल्या कामगिरीत सुधारणा करत अविनाशने ऑलिम्पिकचं तिकीट मिळवलं आहे.