Breaking News

रॅप साँगवर अमिताभ बच्चन यांनी केला डान्स

मुंबई/प्रतिनिधी
 बॉलिवूडचे महानायक अमिताभ बच्चन यांची एक खास गोष्ट आहे की, ते कोणतही काम करु शकतात. अमिताभ यांनी आतापर्यंत त्यांच्या शानदार अभिनयानं सर्वांची मनं जिंकली आहेत. अभिनयासोबत इतर अनेक गोष्टींमुळे बिग बी चर्चेत असतात. पण सध्या सोशल मीडियावर व्हायरल झालेल्या एका फोटोमुळे अमिताभ बच्चन यांच्या नावाची खूपच चर्चा होत आहे.
सोशल मीडियावर व्हायरल होत असलेला हा फोटो एका इव्हेंटमधील असून या फोटोमध्ये प्रसिद्ध रॅपर नॅझीसोबत बिग बी अमिताभ बच्चन डान्स करताना दिसत आहेत. रॅपर नॅझी हा स्वच्छता या विषयावर रॅप गात होता. त्यावेळी अमिताभ यांना त्याच्या रॅपवर डान्स करण्याचा मोह आवरला नाही अमिताभ यांचे डान्स करतानाचे हे फोटो नॅझीनं त्याच्या सोशल मीडिया अकाउंवर शेअर केले आहेत. ज्यावर प्रेक्षकांच्या वेगवेगळ्या प्रतिक्रिया पाहायला मिळत आहेत.
नॅझीनं अमिताभ बच्चन यांचे डान्स करतानाचे फोटो त्याच्या इन्स्टाग्रामवर पोस्ट केले. या फोटोंच्या कॅप्शनमध्ये त्यानं लिहिलं, ’फुल हार्ड सीन.’ सोशल मीडियावर या फोटोवर अनेकांनी वेगवेगळ्या प्रतिक्रिया दिल्या आहेत. पण त्यातही अभिनेता रणवीर सिंहची कमेंट सर्वांचं लक्ष वेधून घेत आहे. रणवीरनं नॅझीच्या फोटोवर कमेंट करताना लिहिलं, ’बच्चन बोले.’ नॅझी हा तोच रॅपर आहे ज्याच्या जीवनावर आधारित गली बॉय या सिनेमाची निर्मिती करण्यात आली आहे. या सिनेमात रणवीर सिंहनं नॅझीची रिल लाइफ भूमिका साकारली होती. अमिताभ बच्चन यांच्या वर्क फ्रंटबद्दल बोलायचं तर ते लवकरच अयान मुखर्जीच्या ब्रह्मास्त्र सिनेमात दिसणार आहेत. या सिनेमात त्यांच्यासोबत रणबीर कपूर आणि आलिया भट यांच्या प्रमुख भूमिका आहेत.