Breaking News

कोपरगाव नगरपरिषदेस स्वच्छ सर्वेक्षण देशात १८ वे मानांकन - प्रशांत सरोदे !

कोपरगाव  नगरपरिषदेस  स्वच्छ सर्वेक्षण  देशात  १८  वे मानांकन - प्रशांत  सरोदे
करंजी  प्रतिनिधी -  
देश  पातळीवर  सर्व  शहरांसाठी स्वच्छतेच्या  विविध  पैलू  नुसार सन  २०१९-२०  मध्ये राबविण्यात  आलेल्या  स्वच्छ सर्वेक्षण  स्पर्धेमध्ये  कोपरगांव नगरपरिषदेने  सहभाग  घेतला होता.  सेवा  स्तर  प्रगती, दस्तावेज  प्रमाणीकरण, नागरिकांचे  अभिप्राय  व  केंद्रीय पथकाद्वारे  पाहणी  या  अशा विविध  बाबीचा  विचार  करत  ही  स्पर्धा  झाली  या  स्पर्धेचा निकालाची  घोषणा  देशाचे पंतप्रधान  नरेंद्र  मोदी,  केंद्रीय शहर  विकास  मंत्री  हरदीप  सिंग पुरी  यांनी  केली.
      या  वर्षी  कोपरगांव नगरपरिषदेने  शहरात घनकच-याचे  व्यवस्थापन  योग्य  पध्दतीने  करून   त्यावर  प्रक्रिया  करण्याचा   उपक्रम  राबविला.  शहरात    निर्माण  होणा-या  ओल्या बकच-यापासून  कंपोस्टखत   निर्मिती   केली  तर  सुक्या  कचरा  विलगीकरण  करून  त्याची   योग्य   विल्हेवाट  लावली . शहरामध्ये  असलेली   सार्वजनिक  शौचालये , सार्वजनिक   मुताऱ्या  स्वच्छ ठेवल्या   या  स्पर्धेत   नागरीकांनी   मोठ्या प्रमाणात  सहभाग  घेत  नगरपालिकेला सहकार्य  केल्याने  हे  शक्य  झाले असल्याचे  मुख्याधीकारी  यांनी  सांगितले  तसेच   इतर  कामात देखील  कायम  सातत्य  ठेवल्याने कोपरगांव  नगरपरिषदेचे  नाव देशाच्या  पटलावर   प्रमुख  स्थानी आले  आहे.  
या   स्पर्धेत   महाराष्ट्र,   गुजरात, मध्य प्रदेश,  राजस्थान,  गोवा  या पश्चिम  विभागातील  पाच राज्यातील   नगरपालिका  सहभागी  झाल्या  होत्या  त्यात कोपरगाव बनगरपरिषदेस   देशात  १८  वे  तर  राज्यात  १७  वे  तसेच  नाशिक विभागात  १६  वे  मानांकन  प्राप्त  झाले  आहे. 

स्वच्छ स र्वेक्षण  २०२० स्पर्धेकरिता  केंद्रशासन, राज्यशासन  व  नाशिक  विभागाचे   अधिकारी,  तांत्रिक तज्ञ  यांच्याकडून  वेळोवेळी देण्यात  आलेल्या  सूचनांनुसार नगरपरिषदेचे  मुख्याधिकारी प्रशांत  सरोदे   यांच्या मार्गदर्शनाखाली  नगरपरिषदेचे नोडल  अधिकारी, सर्व  विभागाचे अधिकारी,  कर्मचारी,  स्वच्छता कर्मचारी,  यांनी  अथक  परिश्रम घेवून  शहरातील  नागरिक,  तसेच  विविध  संस्था,  सामाजिक कार्यकर्ते,  स्वच्छता  दूत,  यांच्या सहकार्याने   शहरातील स्वच्छतेमध्ये  काळजी  घेतल्याने  हे  मानंकन  कोपरगांव  शहरास प्राप्त  झाले  असल्याची   माहिती कोपरगाव  नगरपालिका मुख्याधिकारी  प्रशांत  सरोदे  यांनी  दिली  आहे.

 कोपरगांव  नगरपरिषदेस मिळालेल्या  या  मानांकनासाठी   कोपरगाव   शहरातील  नागरिकांकडून    नगरपालिका मुख्याधिकारी   अधिकारी  नगराध्यक्ष   उपनगराध्यक्ष  नगरसेवक  यांचे अभिनंदन  केले जात आहे