सिडनी : भारत विरुद्ध ऑस्ट्रेलियामध्ये होत असलेला पहिल्या एकदिवस सामना सिडनी ग्राऊंडवर खेळवला जात आहे. टॉस जिंकून प्रथम बॅटिंग करण्याच्या ...
सिडनी : भारत विरुद्ध ऑस्ट्रेलियामध्ये होत असलेला पहिल्या एकदिवस सामना सिडनी ग्राऊंडवर खेळवला जात आहे. टॉस जिंकून प्रथम बॅटिंग करण्याच्या अ‌ॅरॉन फिंचचा निर्णय ऑस्ट्रेलियाच्या बॅट्समनी सार्थ ठरवला. कर्णधार अ‌ॅरॉन फिंच आणि स्टिव्हन स्थिथने दमदार शतके झळकावली तर ग्लेन मॅक्सवेलने तुफानी खेळी करत 19 बॉलमध्ये 45 धावा फटकावल्या. फिंच-वॉर्नर-स्मिथ आणि मॅक्सवेलच्या खेळीच्या जोरावर ऑस्ट्रेलियाने भारतासमोर 375 धावांचं लक्ष्य ठेवलं आहे.
सलामीवीर फिंच आणि वॉर्नरने अतिशय सावध सुरुवात करत 27 ओव्हरपर्यंत एकही विकेट पडू दिली नाही. तोपर्यंत दोघांनीही आपापली अर्धशतके झळकावली. 28 व्या ओव्हरमध्ये कांगारुंना पहिला धक्का बसला तो डेव्हिड वॉर्नरच्या रुपाने 76 चेंडूंमध्ये 69 धावा करुन तो बाद झाला. त्यानंतर आलेल्या स्टिव्हन स्मिथने फिंचला चांगली साथ दिली. त्यापाठोपाठ अ‌ॅरॉन फिंचने आपलं शतक पूर्ण केलं. आपल्या कारकीर्दीतलं 17 वं शतक त्याने झळकावलं. फिंचने 124 बॉलमध्ये 114 रन्स केल्या.
स्टिव्हन स्मिथने दमदार खेळी करताना 66 बॉलमध्ये 105 धावा फटकावल्या. त्याच्या या खेळीत त्याने 11 चौकार आणि 4 गगनचुंबी षटकार लगावले. मॅक्सवेलनेही तुफानी खेळ केला. त्याने 19 चेंडूंमध्ये 45 धावांची खेळी केली. या खेळीत 5 चौकार आणि 3 षटकारांचा समावेश होता.
ऑस्ट्रेलियन फलंदाजांनी भारतीय बोलर्सचा जोरदार समाचार घेतला. सुरुवातीला संथ खेळणाऱ्या ऑस्ट्रेलियन फलंदाजांनी 25 ओव्हर पार केल्यानंतर फटकेबाजी करायला सुरुवात केली. स्मिथ आणि मॅक्सवेलने आक्रमक फटके खेळून प्रेक्षकांच्या डोळ्याचे पारणे फेडले. ऑस्ट्रेलियाकडून 76 बॉलमध्ये 69, अ‌ॅरॉन फिंचने 124 बॉलमध्ये 114, स्टिव्हन स्मिथने 66 बॉलमध्ये 105, ग्लेन मॅक्सवेलने 19 बॉलमध्ये 45 धावा काढल्या.
भारताकडून मोहम्मद शमीने 3 विकेट्स घेतल्या. तर जसप्रीत बुमराह, नवदीप सैनी आणि सुजवेंद्र चहलने प्रत्येकी एक विकेट्स घेतल्या. युजवेंद्र चहलने 10 ओव्हरमध्ये सर्वाधिक 89 धावा दिल्या.तर मोहम्मद शमीने सर्वात कमी 53 धावा दिल्या.
