श्रीनगर : जम्मू-काश्मिरात सुरक्षादलांसोबत झालेल्या चकमकीत 3 दहशतवाद्यांना कंठस्नान घालण्यात यश मिळालेय. श्रीनगरमधील लावापोरा भागात दहशतवादी ...
श्रीनगर : जम्मू-काश्मिरात सुरक्षादलांसोबत झालेल्या चकमकीत 3 दहशतवाद्यांना कंठस्नान घालण्यात यश मिळालेय. श्रीनगरमधील लावापोरा भागात दहशतवादी व जवानांमध्ये मंगळवारी सुरू झालेली ही चकमक बुधवारी देखील सुरूच होती.
श्रीनगरच्या लवापोरा भागात दहशतवादी दडून बसलेल्या ठिकाणाची माहिती सुरक्षा दलाला मिळाली होती. त्यानुसार एका संयुक्त पथकाने शोधमोहीम सुरू केली होती. दरम्यान, जवानांची चाहूल लागताच एका इमारतीमध्ये दडून बसलेल्या दहशतवाद्यांकडून जवानांवर गोळीबार सुरू करण्यात आला, ज्याला जवानांकडून चोख प्रत्युत्तर देण्यात आले. ज्यामध्ये 3 दहशतवाद्यांचा खात्मा झाला. दरम्यान ही चकमक सुरू असलेल्या ठिकाणी काही स्थानिक समाजकंटकांकडून दगडफेक करण्यात आली. यावेळी त्यांना पळवण्यासाठी पोलिसांकडून अश्रूधारांच्या नळकांड्यांचा वापर करण्यात आला.
