मिशन बिगीन अगेन 31 जानेवारीपर्यंत लागू राहणार मुंबई : राज्यात कोरोना संकटाचा वाढता धोका लक्षात पुन्हा एकदा 31 जानेवारीपर्यंत राज्य सरकारने...
मिशन बिगीन अगेन 31 जानेवारीपर्यंत लागू राहणार
मुंबई : राज्यात कोरोना संकटाचा वाढता धोका लक्षात पुन्हा एकदा 31 जानेवारीपर्यंत राज्य सरकारने निर्बंध कायम ठेवले आहेत. मंगळवारी राज्यात कोरोनाच्या नव्या विषाणूंची लागण झालेले रुग्ण आढळून आल्यामुळे राज्य सरकारने खबरदारीचा उपाय म्हणून निर्बंध लागू केले आहेत. राज्य सरकारने मिशन बिगीन अंतर्गत निर्बंध शिथील केले असले तरी काही गोष्टींना अद्याप परवानगी देण्यात आलेली नाही. यामध्ये मुंबई लोकलचाही समावेश आहे. मुंबई लोकल लवकरच सुरु होईल असं सांगितलं जात असलं तरी अद्याप याबद्दल कोणताही निर्णय झालेला नाही. त्यातच आता राज्य सरकारने राज्यात 31 जानेवारीपर्यंत सध्या असलेले निर्बंध कायम राहतील असे स्पष्ट केले आहे.
राज्य सरकारकडून अधिकृत आदेश प्रसिद्द करण्यात आला आहे. यामध्ये
त्यांनी राज्य सरकार करोनाचा प्रसार होण्यापासून रोखण्यासाठी केलेल्या कामगिरीवर समाधानी असल्याचं सांगितलं आहे. तसंच करोनाचा फैलाव रोखण्यासाठी राज्यातील लॉकडाउन 31 जानेवारी 2021 पर्यंत वाढवत असल्याची माहिती दिली आहे. याआधी 30 सप्टेंबर आणि 14 ऑक्टोबरला मिशन बिगीन अगेन अंतर्गत निर्बंध शिथील करत प्रसिद्ध करण्यात आलेल्या गाईडलाइन्स 31 जानेवारीपर्यंत लागू राहतील असं राज्य सरकारने स्पष्ट केलं आहे.
