नाशिकरोड प्रतिनिधी : पाकिस्तानातून आपल्या कुटुंबाचा शोध घेण्यासाठी मूकबधीर गीता नाशिकरोडला दाखल झाली आहे. एकलहरेमधील रमेश सोळसे यांनी गीता ...
नाशिकरोड प्रतिनिधी : पाकिस्तानातून आपल्या कुटुंबाचा शोध घेण्यासाठी मूकबधीर गीता नाशिकरोडला दाखल झाली आहे. एकलहरेमधील रमेश सोळसे यांनी गीता आपली कन्या असून लहानपणी तिच्या आईने गीताला रेल्वेत सोडून दिल्याचे दावा केला आहे.
त्यांनी याआधीही ती आपली कन्या असल्याचा दावा केला होता. त्यांचा डीएनए निगेटिव्ह आल्यानंतर पत्नीचा डीएनए तपासावा असे रमेश यांचे म्हणणं आहे. दरम्यान, इंदोरचे एनजीओ सकाळी गीताला येवला येथे मूळ आईकडे नेणार आहे. उद्या गीताच्या आईचा डीएनए टेस्ट करणार असल्याचे समजते. गीताला नाशिकरोडचे सामाजिक कार्यकर्ते सागर जाधव, आकाश भालेराव, गणेश उन्हवणे मदत करत आहेत.
गीता सध्या ३० वर्षे वयाची असल्याचा अंदाज व्यक्त केला जात आहे. ती बालपणी चुकीने रेल्वेगाडीत बसून सुमारे २० वर्षांपूर्वी पाकिस्तानमध्ये गेली होती. पाकिस्तानी रेंजर्सला ती लाहोर रेल्वे स्थानकावर समझोता एक्स्प्रेसमध्ये बसलेली आढळली होती. दिवंगत परराष्ट्रमंत्री दिवंगत सुषमा स्वराज यांच्या विशेष प्रयत्नांमुळे ती २६ऑक्टोबर २०१५ रोजी भारतात परतली. त्यानंतर ती इंदौरमधील स्वयंसेवी संस्थेत वास्तव्य करत आहे. गेल्या पाच वर्षांत देशाच्या विविध भागातील सुमारे वीस कुटुंबांनी गीताला त्यांची हरवलेली मुलगी असल्याचा दावा केला होता.
रेल्वेमार्गे दिल्लीला
गीता ही नाशिकरोड मार्गाने दिल्ली आणि नंतर लाहोरला पोहचली असावी असा अंदाज रमेश यांनी व्यक्त केला. यावेळी रमेश यांनी गीताचा जन्मदाखला दाखवत गीताला गावाची ओळख पटवून देण्याचा प्रयत्न केला. मात्र, गीताचे समाधान झाले नाही. आपले घर हे रेल्वेस्थानकाच्या बाजूला मंदिर आणि नदीच्या आसपास असल्याचे गीताचे म्हणणं आहे. तसेच शेतामध्ये ऊस आणि भुईमुगाचे पीक असल्याचे वर्णन ती करते.
पोलीस ठाण्यात
रमेश सोळसे यांचा दावा तपासण्यासाठी गीता व सामाजिक कार्यकर्ते नाशिकरोड पोलिस ठाण्यात आज गेले. वरिष्ठ निरीक्षक सूरज बीजली यांनी सत्य तपासण्यासाठी रमेश यांच्या पत्नीचा शोध घेण्याचे प्रयत्न सुरू केले आहेत. रमेश यांची पत्नी शोभाने दुसरा विवाह केला असून, ती गीतासमोर आल्यास गीताची ओळख पटू शकते. पाकिस्तानातून परतलेली गीता कुटुंबाच्या शोधात नाशिकमध्ये
गीताचे हावभाव आणि इशाऱयावरून तिच्या कुटुंबाचा घेतला जात
आहे. मूकबधीर महिलांच्या मते तिच्या मूळ गावाजवळ ऊस, तांदूळ आणि शेंगदाण्याचे पीक घेतले जात असावीत. गीता ही तेलुगू अभिनेता महेश बाबूची फॅन आहे. गीताच्या हावभावानुसार तिच्या घरात इडली, डोसासारखे दक्षिण भारतीय पदार्थ बनवले जातात. लहानपणीच्या आठवणींव्दारे गीताने आपल्या गावाजवळ एक रेल्वे स्थानक आणि गावातील नदीच्या किनाऱ्यावर एक मंदिर असल्याचे सांगितले आहे. त्यानुसार सुरुवातीला गीताला नांदेड,परभणी आणि जालना जिल्ह्यातील रेल्वे स्थानक असणाऱ्या परिसरात नेले गेले. यानंतर तेलंगाणाच्या सीमाभागात गीताच्या कुटुंबाचा शोध घेतला आहे.
