पोलिस निरीक्षक संभाजी गायकवाड यांची कारवाई जामखेड/प्रतिनिधी ः जामखेड मधील वाढती गुन्हेगारी मोडीत काढण्यासाठी नवनियुक्त पोलीस निरीक्षक संभाज...
पोलिस निरीक्षक संभाजी गायकवाड यांची कारवाई
जामखेड/प्रतिनिधी ः जामखेड मधील वाढती गुन्हेगारी मोडीत काढण्यासाठी नवनियुक्त पोलीस निरीक्षक संभाजी गायकवाड यांनी केली धडाकेबाज कारवाईना केली सुरूवात. अनेक वर्षांपासून वेगवेगळ्या गुन्ह्यातील पोलीसांना गुंगारा देत फरार आसलेल्या सात आरोपींच्या मुसक्या आवळुन त्यांना गजाआड केले आहे. जामखेड पोलीस स्टेशनचे पोलीस निरीक्षक संभाजी गायकवाड यांच्या मार्गदर्शनाखाली सदरची कारवाई पोलीसांनी केली आहे.
पोलीस अधीक्षक व अप्पर पोलीस अधीक्षक व जामखेड पोलीस स्टेशन यांनी सदरची मोहीम हाती घेतली आहे. त्या दृष्टीने जामखेड पोलीस स्टेशन मधील पोलीस कर्मचार्यांचे एक भरारी पथक तयार करण्यात आले आहे. या पथकाने केलेल्या कारवाईत आरोपी तालुक्यातील नंदकिशोर खरात व दादासाहेब खरात दोन्ही( हळगाव), बळीराम गणपत वाघमारे(देवदैठण), एक महिला (वाकी). महालिंग मोहीते (पिंपळगावआळवा), त्रिंबक गोपाळघरे(मोहरी), मनोज बबन हळनोर(मोहरी), अशा एकुण गंभीर गुन्ह्यातील सात आरोपींना अटक करण्यात आली आहे. सदर आरोपी पकडण्याची कारवाई पोलीस निरीक्षक संभाजी गायकवाड यांच्या मार्गदर्शनाखाली सपोनि महेश जानकर, पोहेकॉ संजय लाटे, संग्राम जाधव, विजय कोळी आबासाहेब अवारे, संदिप राऊत, अरुण पवार, संदिप आजबे यांच्या पथकाने केली आहे.