नवी दिल्ली : पुण्यातील सिरम इन्स्टिट्यून ने भारतातील पहिली न्यूमोनियावरील लस विकसीत केलीय. केंद्रीय आरोग्यमंत्री डॉ. हर्षवर्धन यांनी सोमवा...
नवी दिल्ली : पुण्यातील सिरम इन्स्टिट्यून ने भारतातील पहिली न्यूमोनियावरील लस विकसीत केलीय. केंद्रीय आरोग्यमंत्री डॉ. हर्षवर्धन यांनी सोमवारी या लसीचे व्हर्च्युअल पद्धतीने लोकार्पण केले. ही लस विदेशी लसीपेक्षा स्वस्त असून, पुढील आठवड्यात विक्रीसाठी उपलब्ध होणार असल्याची माहिती कंपनीच्या वतीने देण्यात आली. यावेळी हर्षवर्धन म्हणाले की, आजचा दिवस देशासाठी अत्यंत महत्त्वाचा आहे, सिरम इन्स्टिट्यूटने न्यूमोनियावरील ही लस विकसित केल्याने संपूर्ण भारतासाठी ही गर्वाची बाब आहे.
न्युमोनिया या श्‍वसनासंबंधी आजारामुळे भारतात दरवर्षी पाच वर्षांखालीत एक लाख बालकांचा मृत्यू होतो. त्यामुळे भारतीय बनावटीची न्यूमोनियावरील ही पहिली लस भारतासाठी मोठे यश आहे. जगभरातील विकसनशील तसेच अविकसित देशांना सिरम कमी किंमती विविध आजारांचे औषध पुरवते. अशा शब्दात हर्षवर्धन यांनी सिरमचे कौतुक केले आहे.
