मुंबईः अनेकवेळा धावत्या लोकलमधून उतरताना किंवा चढताना अपघात होत असतात. तोल जाऊन फलाटावरून थेट रेल्वे रुळावर कोसळणार्‍या महिलेचे प्राण...
मुंबईः अनेकवेळा धावत्या लोकलमधून उतरताना किंवा चढताना अपघात होत असतात. तोल जाऊन फलाटावरून थेट रेल्वे रुळावर कोसळणार्‍या महिलेचे प्राण एका केंद्रीय राखीव दलाच्या जवानाने वाचवले आहेत.
समोरून लोकल येत असताना अचानक तोल जाऊन महिला फलाटावरून रुळावर कोसळली आणि मोठी दुर्घटना एका सीआरपीएफ जवानाच्या सतर्कतेमुळे टळली आहे. ही संपूर्ण घटना कॅमेर्‍यात कैद झाली असून त्याचा व्हिडीओ सोशल मीडियावर तुफान व्हायरल होत आहे. सॅन्डहर्स्ट रोड स्थानकात प्लॅटफॉर्म क्रमांक दोनवर महिला चालत असताना अचनक तिचा तोल गेला आणि लोकलच्या रेल्वे रुळावर कोसळली. चक्कर आल्यामुळे 23 वर्षीय अनिशा शेख खाली पडली. त्याचवेळी समोरून लोकलचा आवाज आला. तिथे उपस्थित असलेल्या जवानाने लगेच सतर्कता दाखवत महिलेला फलाटावर आणण्याचा प्रयत्न केला.
केंद्रीय राखीव दलाचा जवान श्याम सूरत यांनी तातडीने रुळावर उतरून या महिलेला फलाटावर घेण्याचा प्रयत्न केला, तर फलाटावर जमलेल्या लोकांनी लोकलला हात दाखवून थांबण्यास सांगितले. सुदैवाने लोकल थांबली आणि सीआरपीएफ जवानाला तरुणीचे प्राण वाचवण्यात यश आले. सीआरपीएफ जवान आणि लोकांच्या सतर्कतेमुळे मोठी दुर्घटना टळली. मिळालेल्या माहितीनुसार या महिलेला भोवळ आल्यामुळे ती खाली कोसळली. त्यामुळे ही घटना घडली. मुंबईतील सैंडहर्स्ट रोड परिसरात ही घटना घडली आहे.
