मुंबई/प्रतिनिधी ः कोरोना संसर्गाचा मोठा फटका उद्योगव्यवसायाला बसला होता. त्यानंतर लगेच बांधकाम क्षेत्राला देखील मोठा फटका बसला होता. बांध...
मुंबई/प्रतिनिधी ः कोरोना संसर्गाचा मोठा फटका उद्योगव्यवसायाला बसला होता. त्यानंतर लगेच बांधकाम क्षेत्राला देखील मोठा फटका बसला होता. बांधकाम क्षेत्राला दिलासा देण्यासाठी राज्य सरकारने मुद्रांक शुल्क केवळ दोन टक्के केल होते. याची मुदत 31 डिसेंबर रोजी संपत असल्यामुळे, आता केवळ दोन टक्के मुद्राकं शुल्काचा लाभ घेण्यासाठी दोन दिवसांचा कालावधी उरला आहे.
राज्य सरकारने मुद्रांक शुल्क दरात सवलत दिली आहे. 5 टक्क्यांचे मुद्रांक शुल्क दर 31 डिसेंबर पर्यंत 3 टक्क्यांनी कमी करत ते 2 टक्के केले. सरकारच्या या निर्णयाचा मोठा फायदा ग्राहक, बिल्डर आणि महसुलाच्या रूपाने होताना दिसत आहे. पण आता या दोन टक्के सवलतीचा लाभ घेण्यासाठी केवळ दोन दिवस उरले आहेत. तेव्हा घर घेणार्या ग्राहकांनो त्वरा करा आणि दोन दिवसात मुद्रांक शुल्क भरा अन्यथा 1 जानेवारीपासून तीन टक्के दराने मुद्रांक शुल्क भरावे लागेल. असा होता सरकारचा निर्णय कोरोनाच्या आर्थिक संकटातुन बांधकाम व्यवसायाला बाहेर काढण्यासाठी राज्य सरकारने ऑगस्ट महिन्याच्या अखेरीस मुद्रांक शुल्कात सवलत देण्याचा निर्णय घेतला त्यानुसार 24 ऑगस्ट 31 डिसेंबर 2020 पर्यंत पाच टक्क्यांवरून मुद्रांक शुल्क दोन टक्के केले तर 1 जानेवारी ते 31 मार्च 2021 पर्यंत तीन टक्के मुद्रांकशुल्क लागू केले मुद्रांक शुल्कात मोठ्या प्रमाणात कपात करण्यात आल्याने हा बिल्डर ग्राहक आणि सरकार सगळ्यांसाठीच मोठा सकारात्मक निर्णय ठरला आहे. दरम्यान दोन टक्के मुद्रांक शुल्काचे मुदतवाढ संपण्यासाठी आता केवळ दोन दिवस उरले आहेत. पास टक्क्यांऐवजी दोन टक्के मुद्रांक शुल्क भरावे लागत असल्याने ग्राहकांना मोठा दिलासा मिळत आहे. त्यांचा आर्थिक फायदा होत आहे या पार्श्वभूमीवर दोन टक्के मुद्रांक काला मुदतवाढ देण्याची मागणी सर्वसामान्यांकडून केली जात होती मात्र काल राज्य सरकारने अशी कोणतीही मुदतवाढ देण्यात येणार नसल्याचे जाहीर केले आहे. त्यामुळे आता एक जानेवारीपासून ग्राहकांना तीन टक्के दराने मुद्रांक शुल्क भरावे लागणार आहे. एक मार्च पर्यंत तीन टक्के मुद्रांक शुल्काच्या सवलतीचा लाभ ग्राहकांना घेता येणार आहे.