नवी दिल्ली : इन्कमटॅक्स रिटर्न फायलिंगसाठी मुदतवाढीची मागणी करणाऱ्यांना केंद्र सरकारने बुधवारी दिलासा दिलाय. सरकारने आयटी-रिटर्न फाईल करण्या...
नवी दिल्ली : इन्कमटॅक्स रिटर्न फायलिंगसाठी मुदतवाढीची मागणी करणाऱ्यांना केंद्र सरकारने बुधवारी दिलासा दिलाय. सरकारने आयटी-रिटर्न फाईल करण्यासाठी 10 दिवसांची मुदतवाढ दिलीय. आता करदात्यांना 10 जानेवारी 2021 पर्यंत आयटीआर रिटर्न भरता येईल.
देशात दरवर्षी 31 जुलैपर्यंत आयकर विवरण सादर करण्याची मुदत असते. मात्र यंदा करोना संकट आणि त्यात लागू केलेली कठोर टाळेबंदी यामुळे अर्थ मंत्रालयाकडून दोन वेळा मुदत वाढवण्यात आली होती. 31 जुलैनंतर 30 नोव्हेंबर ही अंतिम मुदत होती. त्यात आणखी एक महिन्याची वाढ करून 31 डिसेंबरपर्यंत कालावधी वाढवून दिला होती. मात्र तरीही बहुतांश करदात्यांना विवरण पत्र सादर करण्यात अडचणी येत होत्या. सोशल मिडियावर मुदतवाढीची मागणी करण्यात येत होती. यासंदर्भात बुधवारी दिल्लीत झालेल्या बैठकीत 10 जानेवारी 2021 पर्यंत आयटीआर रिटर्न सादर करण्याची मुदत देण्यात आली आहे. त्याशिवाय जीएसटीचा वार्षिक रिटर्न भरण्यासाठी 28 फेब्रुवारीपर्यंत मुदत देण्यात आली आहे.
