भंडारा : जिल्हा सामान्य रूग्णालयाच्या अतिदक्षता नवजात शिशु केअर युनीटमध्ये शॉर्ट सर्किटने आग लागल्याने दहा बालकांचा मृत्यू झाल्याची दुर्दैव...
भंडारा : जिल्हा सामान्य रूग्णालयाच्या अतिदक्षता नवजात शिशु केअर युनीटमध्ये शॉर्ट सर्किटने आग लागल्याने दहा बालकांचा मृत्यू झाल्याची दुर्दैवी घटना शुक्रवारी मध्यरात्री नंतर 2 वाजताच्या सुमारास घडली . यात धुरामुळे गुदमरून बालकांचा मृत्यू झाल्याची माहिती पुढे आली आहे
.
जिल्हा सामान्य रुग्णालयातील आऊट बॉर्न युनिट मधून धूर निघत असल्याचे समोर आले. त्यावेळी ड्युटीवर असलेल्या नर्सने दार उघडून बघितला असता त्या रूम मध्ये मोठ्या प्रमाणात धूर होता . त्यामुळे त्यांनी लगेच दवाखान्यातील अधिकाऱ्यांना सांगितले . या शिशु केअर युनीटमधील 7 बालकांना वाचविण्यात आले आहे . अग्निशामक दल घटनास्थळी पोहोचले. दवाखान्यातील लोकांच्या मदतीने बचावकार्य सुरू करण्यात आले . या SNIC मध्ये आउटबॉर्न आणि इन बॉर्न अशी दोन युनिट आहेत . यापैकी मॉनिटर मध्ये असलेले 7 बालक वाचविण्यात आले . तर आऊट बॉर्न युनिटमधील 10 मुलांचा मृत्यू झाला . रुग्णालयात जिल्हाधिकारी संदीप कदम , पोलीस अधीक्षक वसंत जाधव , अपर पोलीस अधीक्षक अनिकेत भारती , जिल्हा शल्य चिकित्सक डॉ. प्रमोद खंडाते दाखल रुग्णालयाला पोलिसांचा वेढा असून आरोग्य उपसंचालक संजय जयस्वाल नागपूर येथून भंडारा रुग्णालयात पहाटे 5.40 वाजता दाखल झाले असून वरिष्ठ अधिकाऱ्यांची बैठक सुरु आहे.
