नवी दिल्ली : मतदार यादीतील घोळ नवा नाही. तंत्रज्ञानाच्या युगात अनेक रंजक किस्से या मतदार यादीतून दिसून येत आहे. अनेकांची नावं मतदारयादीमधून ...
नवी दिल्ली : मतदार यादीतील घोळ नवा नाही. तंत्रज्ञानाच्या युगात अनेक रंजक किस्से या मतदार यादीतून दिसून येत आहे. अनेकांची नावं मतदारयादीमधून गायब आहेत तर काही ठिकाणी अगदीच उलट चित्र दिसत आहे. हिमाचल प्रदेशातील ऊना जिल्ह्यातील हरोली विधानसभा मतदारसंघातील एकमेव नगरपंचायत असणार्‍या टाहलीवालमध्येही असाच एक विचित्र घोळ समोर आला आहे.
काँग्रेसचे स्थानिक आमदार मुकेश अग्निहोत्री यांनी यासंदर्भात नाराजी व्यक्त करत
मतदारयादीच्या विश्‍वासर्हतेसंदर्भात प्रश्‍नचिन्ह उपस्थित केलं आहे. त्यांनी नगर पंचायतींच्या निवडणुकीसंदर्भात एक पोस्ट सोशल नेटवर्किंगवर शेअर केली आहे. निवडणुकींमध्ये मोठा घोळ असल्याचा आरोप अग्निहोत्री यांनी केला आहे. अग्निहोत्री यांनी फेसबुकवर मतदारयादीचा फोटो शेअऱ करत एकाच घराच्या पत्त्यावर 102 मतदारांची ओळखपत्र बनवण्यात आल्याचा आरोप केला आहे. टाहलीवाल येथील नगर पंचायत निवडणुकीच्या पार्श्‍वभूमीवर जारी करण्यात आलेल्या या मतदार ओळखपत्रांमध्ये एकाच घराच्या पत्त्यावर दाखवण्यात आलेल्या मतदारांपैकी अनेकजण हे प्रवासी आहेत.
