लखनऊ : उत्तर प्रदेशच्या योगी आदित्यनाथ सरकारने राज्यातील 16 आयएएस अधिकार्‍यांच्या बदल्यांचा आदेश काढला. यामध्ये हाथरसचे जिल्हाधिकारी प्रवीणक...
लखनऊ : उत्तर प्रदेशच्या योगी आदित्यनाथ सरकारने राज्यातील 16 आयएएस अधिकार्‍यांच्या बदल्यांचा आदेश काढला. यामध्ये हाथरसचे जिल्हाधिकारी प्रवीणकुमार लष्कर यांच्या नावाचाही समावेश आहे. सप्टेंबर महिन्यातील चर्चित सामूहिक बलात्कार आणि हत्या तसेच धक्कादायक पद्धतीने मृतदेहावर अंत्यसंस्कार अशा घटना प्रवीणकुमार यांच्याच अखत्यारित येणार्‍या भागात घडल्या होत्या.
हाथरस घटनेत सामूहिक बलात्काराला बळी पडलेल्या 19 वर्षीय तरुणीच्या मृतदेहावर पीडित कुटुंबीयांच्या परवानगिशिवाय पोलिसांनीच रात्रीच्या अंधारात अंत्यसंस्कार उरकले होते. हाथरसमधून प्रवीणकुमार यांना आता मिर्झापूरच्या जिल्हाधिकारीपदावर नियुक्त करण्यात आले. ’उत्तर प्रदेश जल निगम’ची जबाबदारी हाताळणारे अतिरिक्त व्यवस्थापकीय संचालक रमेश रंजन यांना हाथरसचे जिल्हाधिकारीपद सोपवण्यात आले. प्रवीणकुमार यांनी पीडितेच्या कुटुंबाला धमकी दिल्याचा आरोप आहे. उच्च न्यायालयानेही त्यांच्या कार्यपद्धतीवर आक्षेप घेण्यात आले. उत्तर प्रदेश सरकारद्वारे निष्पक्ष चौकशीसाठी हाथरसच्या जिल्हाधिकार्‍यांविरोधात कोणतीही योग्य कारवाई करण्यात आली नव्हती. त्यानंतर अलाहाबाद उच्च न्यायालयाच्या लखनऊ खंडपीठाने याबद्दल नोव्हेंबर महिन्यात चिंता व्यक्त केली होती. त्यानंतर योगी आदित्यनाथ सरकारकडून बदलीचे निर्देश देण्यात आले.
