प्रेमविवाहानंतर नववधूचा संशयास्पद मृत्यू; पतीचाही मृत्यू

  जळगाव/प्रतिनिधी: प्रेम विवाहानंतर चौथ्याच दिवशी नववधूचा संशयस्पद मृत्यू झाला. धरणगाव तालुक्यातील पाळधी या गावात ही घटना घडली. या घटनेत तरु...

 

जळगाव/प्रतिनिधी: प्रेम विवाहानंतर चौथ्याच दिवशी नववधूचा संशयस्पद मृत्यू झाला. धरणगाव तालुक्यातील पाळधी या गावात ही घटना घडली. या घटनेत तरुणीचा पतीही बेशुद्ध अवस्थेत आढळला होता. त्याच्यावर उपचार सुरू असताना त्याचाही मृत्यू झाल्याने या घटनेचे गूढ आणखी वाढले आहे. 

जळगाव जिल्ह्यातील धरणगाव तालुक्यातील पाळधी गावातील तरुणी आरती भोसले आणि प्रशांत पाटील या दोघांमध्ये प्रेम संबध होते. या प्रेम संबंधातून या दोघांनी गेल्या आठवड्यात प्रेम विवाह केला. दोघेही सज्ञान असल्याने दोघांनी पोलिसांना आपण विवाह करून परत आल्याचे सांगितले. 31 डिसेंबरची रात्र मात्र या दाम्पत्यासाठी काळ रात्र ठरली. शुक्रवारी सकाळी नववधू ही तिच्या राहत्या घरात नग्नावस्थेत मृत आढळून आली. तिचा पतीही दुसर्‍या खोलीत बेशुद्ध अवस्थेत आढळून आल्याने त्याच्यावर रुग्णालयात उपचार सुरू होते. उपचारा दरम्यान त्याचाही आज मृत्यू झाला. 31 डिसेंबर रोजी हे दाम्पत्य त्यांच्या तीन मित्रासह रात्री उशिरापर्यंत एकत्र होते. त्यात सकाळी नग्नावस्थेत ही तरुणी आढळून आल्याने सामूहिक अत्याचार केल्याचा संशय मुलीच्या नातेवाइकांनी व्यक्त केला. शिवाय सासरच्या लोकांचाही यात समावेश असल्याचा आरोप त्यांनी करत या सर्वांच्या विरोधात पोलिसात फिर्याद दिली. या घटनेचे गांभीर्य पाहून पोलिसांनी तिच्या सासर्‍यासह अन्य तीन मित्रांना संशयावरून अटक केली आहे. या घटनेत आरतीचा नवरा प्रशांत याचाही मृत्यू झाल्याने या घटनेच्या दिवशी नक्की काय घडले, याचे गूढ वाढले आहे.