कंगणाच्या घरातील बांधकाम बेकायदाच

 न्यायालयाचे निरीक्षण; महापालिकेविरोधातील दावा फेटाळला मुंबई/प्रतिनिधी : आपल्या वक्तव्यांमुळे नेहमीच चर्चेत येणारी अभिनेत्री कंगणा राणावत अड...

 न्यायालयाचे निरीक्षण; महापालिकेविरोधातील दावा फेटाळला

मुंबई/प्रतिनिधी : आपल्या वक्तव्यांमुळे नेहमीच चर्चेत येणारी अभिनेत्री कंगणा राणावत अडचणीत आली आहे. कंगणाने तिच्या घरात केलेले बदल हे आराखड्याच्या विरुद्ध असल्याचे सांगत मुंबई दिवाणी न्यायालयाने तिचा दावा फेटाळला आहे. तसेच महापालिकेकडून केल्या जाणार्‍या कारवाईला स्थगिती देण्यासही न्यायालयाने नकार दिला. 

कंगणाने खार येथील तिच्या घरात बेकायदेशीर बांधकाम केल्याचा ठपका अतिरिक्त न्यायालयाने ठेवला असून महापालिका हे बांधकाम तोडू शकते, असा निकाल दिला होता. या निकालाला कंगनाने आव्हान देत पालिकेला कारवाई करण्यापासून थांबवण्याची मागणी केली होती. कंगनाची हीच मागणी मुंबईतील दिवाणी न्यायलयाने फेटाळली आहे. त्यामुळे कंगनाच्या अडचणींत वाढ झाली आहे. खार पश्‍चिममधील डी. बी. ब्रिझ इमारतीत कंगणाने एकाच माळ्यावरील 3 फ्लॅट एकत्र केले आहेत. या बांधकामात तिने मंजूर आराखड्याव्यतिरिक्त वाढीव जागा अतिक्रमित केल्याचा आरोप महापालिकेने केला केलेला आहे. याविरोधात महापालिकेने कंगनाला नोटीस पाठवली होती. त्यानंतर या खटल्यावर दिंडोशी न्यायालयात युक्तिवाद करण्यात आला. त्यानंर या खटल्यामध्ये कंगणाने तिच्या घरात अनधिकृत बांधकाम केल्याचे न्यायालयाने म्हटले होते. न्यायालयाने या निर्णयाला आव्हान देण्यासाठी कंगणाला सहा आठवड्यांची मुदत दिली आहे. सहा आठवड्यांच्या आत कंगणाने उच्च न्यायालयात आव्हान दिले नाही, तर तिने केलेल्या अनधिकृत बांधकामाला पाडण्यास न्यायालयाने मुभा दिली आहे. कंगणाने केलेल्या अनधिकृत बांधकामाविरोधात तिला 2018मध्ये नोटीस देण्यात आली होती. दरम्यान, कंगणाने पालिकेच्या नोटिशीविरोधात मुंबई दिवाणी न्यायालयात धाव घेतली होती. या वेळी तिने महापालिकेने पाठवलेल्या नोटिशीत उल्लंघन केलेल्या नियमांचा स्पष्टपणे उल्लेख केलेला नसल्याचा युक्तिवाद केला. कंगणाची बाजून अ‍ॅड. रिजवान सिद्दीकी यांनी मांडली. त्यांचा हा युक्तिवाद अ‍ॅ़ड. धर्मेश व्यास यांनी खोडून काढला. धर्मेश मुंबई महापालिकेची बाजू मांडत आहेत. मुंबई महापालिकेच्या अभियंत्याने अभिनेत्री कंगणाच्या घराचे सर्वेक्षण केलेले आहे. त्यानंतर कंगणाने ज्या आठ नियमांचे उल्लंघन केलेले आहे, त्याचा स्पष्टपणे उल्लेख केलेला असल्याचे व्यास यांनी म्हटले. त्यांतनर मुंबई दिवाणी न्यायालयाने कंगणाची याचिका फेटाळून लावली.