आजपासून जीएसटी, सिलिंडर, विमा पॉलिसीच्या नियमात बदल

  मुंबई : नवे वर्ष 1 जानेवारी 2021 पासून सुरु होत आहे. मात्र या वर्षांत गॅस सिलिंडर, बँक चेक, विमा पॉलिसीसह अनेक नियमामध्ये महत्वपूर्ण बदल ह...

 

मुंबई : नवे वर्ष 1 जानेवारी 2021 पासून सुरु होत आहे. मात्र या वर्षांत गॅस सिलिंडर, बँक चेक, विमा पॉलिसीसह अनेक नियमामध्ये महत्वपूर्ण बदल होणार आहे. 1 जानेवारीपासून चेकने पैसे देण्याच्या नियमात बदल होणार आहे. 50 हजार रुपयांहून अधिक रकमेच्या चेकसाठी पॉझिटिव्ह पेमेंट सीस्टिम लागू होईल. अशा चेकसाठी दोनदा खात्री करण्यात येणार आहे. 

    याचबरोबर  विमा नियामक व विकास प्राधिकरणाने (इर्डा) सर्व विमा कंपन्यांना 1 जानेवारीपासून ’सरल जीवन विमा’ विकण्याचे निर्देश दिले आहेत. यात कमाल 25 लाख रुपयांपर्यंतचे विमाकवच असणार आहे.एनपीसीआयने थर्ड पार्टी पच्या यूपीआय पेमेंट सर्व्हिसवर 30 टक्क्यांपर्यंत मर्यादा लावण्याचा निर्णय घेतला. या नियमामुळे गूगल पे, मेझॉन पे, फोन पे यांसारख्या प ग्राहकांवर परिणाम होईल. गुंतवणूकदारांचे हित लक्षात घेत सेबीने म्युच्युअल फंड गुंतवणूक नियमांत बदल केले. यानुसार फंड्सचा 75 टक्के हिस्सा इक्विटीमध्ये गुंतवणे अनिवार्य असेल. सद्य:स्थितीत हे प्रमाण 65 टक्के आहे. 1 जानेवारीपासून लँडलाइनवरून मोबाइलवर कॉल करण्यास आधी शून्य दाबावा लागेल आणि त्यानंतर मोबाइल नंबर. यामुळे टेलिकॉम कंपन्यांना अधिक नंबर तयार करण्याची मुभा मिळेल. डिजिटल पेमेंट पद्धतीला प्रोत्साहन देण्यासाठी रिझर्व्ह बँकेने काँटॅक्टलेस कार्डाच्या माध्यमातून करण्यात येणार्‍या पेमेंट मर्यादेत 5 हजारांपर्यंत वाढ केली. सद्य:स्थितीत ही मर्यादा 2 हजार एवढीच आहे. यंदा कार घेणार्‍यांना खिशाला थोडा जास्त खार लावावा लागेल. कारण अनेक वाहननिर्मात्या कंपन्या किमती वाढविण्याच्या तयारीत आहेत. 2020मधील कसर भरून काढण्यासाठी किमती वाढविण्यात येतील.

गाड्यांना फास्टॅग लावणे अनिवार्य

टोल नाक्यावर लागणार्‍या लांबच लांब रांगा 1 जानेवारीपासून हळूहळू कमी होऊ लागतील. कारण नववर्षाच्या पहिल्या दिवसापासून वाहनधारकांना फास्टॅग अनिवार्य करण्यात आले आहे.

जीएसटी रिटर्न्स वर्षभरात 4 वेळाच व्यावसायिकांना सद्य:स्थितीत वर्षाला 12 जीएसटीआर-3बी फॉर्म्स भरावे लागतात. मात्र, 1 जानेवारीपासून वर्षभरात केवळ 4 वेळाच हे फॉर्म्स भरावे लागतील. प्रक्रिया सुटसुटीत करण्यासाठी हा निर्णय झाला.

सिलिंडरच्या किमतीत होणार बदल

सरकारी तेल कंपन्या महिन्याच्या 1 तारखेला एलपीजी सिलिंडरच्या किमती निश्‍चित करत असतात. यंदा त्यात वाढ होऊ शकते. 1 जानेवारीपासूनच सिलिंडरच्या किमती वाढण्यास सुरुवात होण्याची शक्यता आहे.