पटना : नितीशकुमार सरकारच्या मंत्रिमंडळाचा आज विस्तार झाला. त्यात भाजपच्या कोट्यातील 9 आणि जेडीयूच्या कोट्यातील 8 मंत्र्यांना पद आणि गोपनीय...
पटना : नितीशकुमार सरकारच्या मंत्रिमंडळाचा आज विस्तार झाला. त्यात भाजपच्या कोट्यातील 9 आणि जेडीयूच्या कोट्यातील 8 मंत्र्यांना पद आणि गोपनीयतेची शपथ देण्यात आली. आज एकूण नव्या 17 मंत्र्यांनी शपथ घेतल्याने नितीशकुमार यांच्या मंत्रिमंडळातील मंत्र्यांची संख्या 31 झाली आहे.
नितीशकुमार यांच्या मंत्रिमंडळात शाहनावज हुसैन उद्योगमंत्री असतील. याशिवाय नीरजकुमार सिंह यांना पर्यावरण, वन आणि जलवायू मंत्रालय देण्यात आलं आहे. भाजप आमदार नितीन नवीन यांच्याकडे रस्तेबांधकाम मंत्रीपद देण्यात आलं आहे.नितीशकुमार यांच्या मंत्रिमंडळात भाजपचे ज्येष्ठ नेते शाहनवाज हुसैन यांची वर्णी लागली आहे. दिल्लीतून थेट बिहारमध्ये आलेल्या हुसैन यांच्याकडे उद्योग खातं देण्यात आलं आहे. भाजपच्या कोट्यातून शाहनवाज हुसैन (उद्योगमंत्री) सुभाष सिंग (सहकार मंत्री) नितीन नवीन (रस्ते बांधकाम मंत्री) प्रमोद कुमार (ऊस उद्योग विभाग) सम्राट चौधरी (पंचायत राज विभाग) आलोक रंजन झा (संस्कृती, संस्कृती आणि युवा विभाग) जनक राम (खाण विभाग) नारायण प्रसाद (पर्यटन) नीरजसिंग बबलू (पर्यावरण, वन आणि हवामान बदल विभाग) यांचा समावेश मंत्रिमंडळात करण्यात आला. तर जेडीयूमधून संजय झा (जलसंपदा, माहिती आणि जनसंपर्क सहकारी) श्रावण कुमार (ग्रामविकास) मदन साहनी (समाज कल्याण) जयंत राज (ग्रामीण बांधकाम) लेसी सिंग (अन्न आणि ग्राहक संरक्षण) सुमित सिंग (विज्ञान आणि तंत्रज्ञान) ठेवीदार खाण (अल्पसंख्याक विभाग)सुनील कुमार(दारू बंदी, उत्पादन विभाग) यांचा मंत्रिमंडळात समावेश झाला.
