परभणी,/प्रतिनिधी : कर्तव्यात बेशिस्त, बेजबाबदार, नैतिक अधःपतनाचे वर्तन तसेच लाचखोर वृत्तीचे वर्तन करणार्या आठ पोलिस कर्मचार्यांना जिल्हा पोल...
परभणी,/प्रतिनिधी : कर्तव्यात बेशिस्त, बेजबाबदार, नैतिक अधःपतनाचे वर्तन तसेच लाचखोर वृत्तीचे वर्तन करणार्या आठ पोलिस कर्मचार्यांना जिल्हा पोलिस अधीक्षक जयंत मीना यांनी मंगळवारी (दि.दोन) निलंबित केले.अवैध व्यवसाय करणार्या व्यावसायिकांशी संबंध साधत स्वतःचा आर्थिक फायदा करून घेणे, अवैध वाळू वाहतुक करणारांकडून अवैधरित्या पैसे वसूल करत जनमाणसात पोलिसांची प्रतिमा मलीन करण्याचा प्रयत्न करणार्या आठ पोलिस कर्मचार्यांना पोलिस अधीक्षक श्री.मीना यांनी निलंबित केले. यात कोतवाली पोलिस ठाण्यातील कर्मचारी वैजनाथ आदोडे व मो. मोसीन मो. मोईन, गजानन जंत्रे, नवामोंढ पोलिस ठाण्याचे सूर्यकांत सातपुते, विठ्ठल कटारे, नानलपेठ पोलिस ठाण्यातील सचिन राखोंडे, सतीश कांबळे तसेच कृष्णा शिंदे यांचा समावेश आहे. गैरप्रकारांना आळा घालणे अपेक्षित असतानाही अवैध व्यावसायिकांशी संबंध ठेवत त्यांच्याकडून पैसे वसूल करत अवैधधंद्यांना चालना देण्याचा कसूर या सर्वांनी केला असल्याचेही पोलिस अधीक्षक जयंत मीना यांनी निलंबनाच्या आदेशात नमूद केले आहे.
