मसूर / वार्ताहर : उत्कृष्ट खेळाचे प्रदर्शन घडविणार्या खो-खो खेळाडूंची ठाणे येथे होणार्या राज्य अजिंक्यपद स्पर्धेसाठी निवड झाली असून त्यांन...
मसूर / वार्ताहर : उत्कृष्ट खेळाचे प्रदर्शन घडविणार्या खो-खो खेळाडूंची ठाणे येथे होणार्या राज्य अजिंक्यपद स्पर्धेसाठी निवड झाली असून त्यांना आपल्या शुभेच्छा आहेत. त्यांनी सर्वोत्कृष्ट कामगिरी करत जिल्ह्याचा नावलौकिक वाढवावा, असे आवाहन जिल्हा परिषदेचे शिक्षण व अर्थ सभापती मानसिंगराव जगदाळे यांनी केले.
मसूर, ता. कराड येथे सातारा जिल्हा अॅमॅच्युअर खो-खो असोसिएशन व मसूर क्रीडा मंडळ यांच्या संयुक्त विद्यमाने आयोजित सन 20-21 या वर्षीच्या पुरुष व महिला सातारा जिल्हा खो-खो अजिंक्यपद स्पर्धा झाल्या. त्याप्रसंगी बक्षीस वितरण कार्यक्रमात जगदाळे बोलत होते. यावेळी सातारा जिल्हा अॅमॅच्युअर खो-खो असोसिएशनचे सरचिटणीस महेंद्रकुमार गाढवे, निवड समिती सदस्य दादासो चोरमले, सौ. मनीषा शिंदे, ज्ञानेश्वर जांभळे, शशिकांत गाढवे, मसूर क्रीडा मंडळाचे अध्यक्ष कासम पटेल, सरपंच पंकज दीक्षित, सदस्य शरद जाधव, सतीश शेजवळ, प्रदीप बंडगर, संतोष माळी यांची उपस्थिती होती.
मुलांच्या गटात स्पर्धेतील प्रथम क्रमांक मसूर क्रीडा मंडळाने पटकाविला तर द्वितीय क्रमांक सातारा संघाने पटकविला. यावेळी भलरी रोपवाटीका अतित यांच्यातर्फे सर्वोत्कृष्ट खेळाडू म्हणून अकिब पटेल यास 1001 रुपयाचे पारितोषिक देऊन सन्मानित करण्यात आले.
मुलींच्या गटात प्रथम क्रमांक साखरवाडी संघाने तर द्वितीय क्रमांक शिवनगर संघाने मिळविला. स्पर्धा पंच म्हणून महाराष्ट्र राज्य पंच प्रशांत कदम, अनिकेत मोरे यांसह अतुल मोरे, मयुर साबळे, आनंदा जगदाळे तर गुणलेखक व वेळाधिकारी म्हणून लक्ष्मण जाधव, आकाश कदम यांनी काम पाहिले. दुपारच्या सत्राचे मुलींच्या संघाचे बक्षीस वितरण मसूर पोलीस दूरक्षेत्रचे पोलीस उपनिरीक्षक प्रवीण जाधव यांच्या हस्ते संपन्न झाले. ते म्हणाले, शालेय स्तरापासून खेळ गरजेचा असून त्यात संयम व स्टॅमिना ठेवला तर विजय सहज मिळवता येतो. यशस्वी खेळाडूंनी राज्याचे व देशाचे नेतृत्व करावे असा संदेश दिला. स्पर्धेस काँग्रेसचे जिल्हा सरचिटणीस नंदकुमार जगदाळे, महानंदाचे संचालक वसंतराव जगदाळे, माई चॅरिटेबल ट्रस्टच्या अध्यक्षा संगीता साळुंखे, माजी डीवायएसपी दिलीपसिंह जगदाळे, उपसरपंच विजयसिंह जगदाळे, शिवसेना युवानेते कुलदीप क्षीरसागर, क्रीडा संघटनेचे कोल्हापूर विभागीय उपाध्यक्ष महेंद्र भोसले, जिल्हा सचिव मनोहर यादव, विकास पाटोळे, प्रा. कादर पिरजादे, सागरभाऊ पाटोळे आदी मान्यवरांनी भेट दिली. मसूर क्रीडा मंडळ पदाधिकारी व सदस्यांनी स्वागत केले. संभाजी बर्गे यांनी सूत्रसंचालन केले. गोल्डन उर्फ प्रशांत पवार व क्रीडाशिक्षक दिलीप माने यांनी आभार मानले. स्पर्धा यशस्वी करण्यासाठी मसूर क्रीडा मंडळाच्या सर्व पदाधिकारी व सदस्यांनी मोलाचे योगदान दिले.
